Egin etenalditxo bat…

Guggenheim berriari ez

Garapen gose basatiak itsututa bizi gara herri puta honetan, argi dago. Oraindik ileak lazten dizkit Bizkaiko Foru Aldundiaren asmo handinahi izugarriak. Era berean lazten dizkit ETBk kontua aurkezteko darabilen arinkeriak. Lekuaren ederra, lasaitasuna… aipatu eta horrek guztiak desagertzeko daukan arriskuari bizkarra eman? Jakina, iritziak agertzeko orduan ez da kasualitatea izango guztiz alde daudenak edo aurka oso gogor agertzera ausartzen ez direnak hautatzea…

Zer izango da hurrena? Turista oldeak erosoago iristeko autobidea irekitzea Bilbotik Sukarrietara? Turistentzako ontzi dotoreak ugaltzea eta haiei bidaia errazago egiteko itsasadarraren ibilbide naturala hankaz gora uztea?

Badakigu norantz goazen? Pentsatu dugu zer etorkizun nahi dugun? Aukera ematen zaigu zer nahi dugun amesteko ere? Politikari orojakileek erabaki dute gure ordez, batzuek horretarako eman bide diete bozka, ezta? Eta betiko moduan, gizartearen bizkar, iritzirik jaso barik, eztabaida irekiari aukera eman barik. Horretarako ez da ez kontsultarik egingo. Badaezpada ere.

Erabat babestuta omen dagoen natura honen geroa dago kolokan…

BAP!!en aspaldiko kanta hartan legez, oraingoan honakoa abestu beharko dugu: tturrukuttukuttu Urdaibai ez ikutu, ttarrakattakatta Guggenheim a la kaka…

(2008-7-16)

Urarekin eta expolioekin jarraituz…

Oraindik ez badakizue zergatik egiten diodan boikota Nestleri, aspalditik gainera, hemen dauzkazue arrazoi batzuk…
http://usuarios.lycos.es/CEA_Mavea/Bnestle.htm
http://foros.hispavista.com/cine/4/3395/m/boicot-a-nestle-/
http://foro.reasnet.com/viewtopic.php?p=252&sid=12e6da8f3117cf924197f0c98ac4cf12
http://www.geocities.com/soycomunista/nestle.html
http://ecuador.nuxit.net/buho/article.php3?id_article=99
http://www.apiavirtual.com/2006/03/07/articulo-10315/
…eta bereziki erosi behar ez genituzkeen produktuak:
http://www.nestle-waters.com/en/Menu/NWToday/BrandPortfolio/NestleBrands

Beste horrenbeste esan daiteke Coca-Colaz…
http://www.commondreams.org/views06/0307-30.htm
http://www.indiaresource.org/campaigns/coke/2006/cokewwfespanol.html
http://www.organicconsumers.org/espanol/290905_coca.htm
Beraz, saihestu haren ur botilaratua:
http://www2.conocecocacola.com/conoce.cfm?id_seccion=625&id_sec=335
Eta bide batez, gainontzeko multinazionalen ur botilaratuak ere bai. Oraindik zalantzarik?

(2008-6-15)

Uraren Expo(lio) Zaragoza ’08

Gaur eman diote hasiera lotsa unibertsalaren azokari. Aurtengoa ironiaz datorkigu, gainera. Uraren azoka! Zein ur, gure mendietatik libre jaisten dena, urtegietan herriak ito(i)tzen dituena, ala Nestlek herrialde txiroenetan pribatizatu eta gure supermerkatu eta jatetxeetan botilaratuta saltzen diguna?

Ez dut inoiz ulertu zertarako egiten den baliabideen xahutze unibertsal hori. Zenbat altzairu, plastiko (beraz, petrolio), porlan, argindar, eta batez ere, zenbat ur darabiltzate holako mega-parke tematikoa eraikitzeko? Zeren erakusleiho da? Gure “zibilizazioaren aniztasunaren” erakusgarri? Zenbat ordaindu behar du, demagun, Etiopiak bertan bere pabilioia izan gura badu? Zenbat interes pribatu mugitzen da horren guztiaren atzean? Dena hil batzuen ostean hilda geratzeko. Esandakoa, gure zibilizazioaren lotsa unibertsala agerian utzi behar lukeen azoka… gure zibilizazioari lotsa izpirik geratuko balitzaio.

Oraingoan, gainera, munstro horiek eraikitzeko zer leku hautatu dute? Zer zegoen bertan? Bitxia, urari eta haren ingurune naturalari lapurtutako lekua ura bera “omentzeko” erabiltzea. Bai, omendu omen nahi dute… Hipokrisiaren azoka mundiala.

(2008-6-14)