natura -en artxiboa

Etsaia ate joka

Posted in Anarkismoa, Ekonomia, Garapena, Gizartea with tags , , , , , , , on 2010/03/30 by aselluzarraga

Hemen dago gure ingurunearen etsaia berri eta suntsitzailearen aurpegi berria. Nik, behintzat, GU EZ esan diot dagoeneko. Zer saldu nahi digute? Noren interesean? Aspaldi idatzi nuen proiektu horri buruz hemen eta inguruan bizi zaretenoi dagokizue aberrazio berri hau ez gauzatzeko urratsak ematea… Urdaibai salba dezagun! Geldiaraz dezagun garapenkeria garaiz gauden bitartean. Lurra ez dago salgai!

Oharra: Informazioa zabaltzeko eta erantzunak bideratzeko lehen bideak badaude martxan, behintzat, Urdaibaietz eta Zain dezagun Urdaibai webguneetan.

Advertisements

Uraren Expo(lio) Zaragoza ’08

Posted in Ekonomia, Garapena, Gizartea with tags , , , , , , , on 2009/10/12 by aselluzarraga

Gaur eman diote hasiera lotsa unibertsalaren azokari. Aurtengoa ironiaz datorkigu, gainera. Uraren azoka! Zein ur, gure mendietatik libre jaisten dena, urtegietan herriak ito(i)tzen dituena, ala Nestlek herrialde txiroenetan pribatizatu eta gure supermerkatu eta jatetxeetan botilaratuta saltzen diguna?

Ez dut inoiz ulertu zertarako egiten den baliabideen xahutze unibertsal hori. Zenbat altzairu, plastiko (beraz, petrolio), porlan, argindar, eta batez ere, zenbat ur darabiltzate holako mega-parke tematikoa eraikitzeko? Zeren erakusleiho da? Gure “zibilizazioaren aniztasunaren” erakusgarri? Zenbat ordaindu behar du, demagun, Etiopiak bertan bere pabilioia izan gura badu? Zenbat interes pribatu mugitzen da horren guztiaren atzean? Dena hil batzuen ostean hilda geratzeko. Esandakoa, gure zibilizazioaren lotsa unibertsala agerian utzi behar lukeen azoka… gure zibilizazioari lotsa izpirik geratuko balitzaio.

Oraingoan, gainera, munstro horiek eraikitzeko zer leku hautatu dute? Zer zegoen bertan? Bitxia, urari eta haren ingurune naturalari lapurtutako lekua ura bera “omentzeko” erabiltzea. Bai, omendu omen nahi dute… Hipokrisiaren azoka mundiala.

(2008-6-14)

Gene kaltegarriak

Posted in Animalien eskubieak with tags , on 2009/10/12 by aselluzarraga

Banbi, oreinkumea, berriro dugu albiste. Oraingoan bertsio zurian. Irudi idilikoa izan litekeena, ordea, beste zerbait gogoraraztera etorri zaigu: gizakia naturaren gainetik dago, edozeren gainean erabaki dezake, nork merezi duen bizia eta nork hil behar duen.

Naziek gizakiekin egin nahi zutena ikaragarria bazen ere (aurrera jarraitu behar zuten geneak aukeratzea, alegia), dirudienez, adituak zientziak ematen dien botere eztabaidaezinaz jantzita, animalien patuaren jabe dira, eta horrela ebatzi dezakete: Alemanian agertu den oreinkume zuria hil behar dute, gene anomaloei segida eman ez diezaien. Mementoz, sineskeria ari da kume errukarria salbatzen, orein zuria hiltzen duena, edota haren senideren bat, urtebeteren buruan hilko ei delako.

Nork salbatzen gaitu, berriz, biziaren jabe direla uste duten gizakien geneetatik?

(2006-11-6)