Kristau onaren betebeharra


Bizi garen garai ilun honetan, baten baino gehiagoren kontzientzia aztoratuta dago. Badirudi berriro piztu direla gerra santuak, eta buruzagi batek baino gehiagok jainkoaren izenean berba egiten ei du. Honen aurrean normala da kristauak eta beste erlijio batzuetako fededunak noraezean sentitzea. Baina honen bidez kontzientzia batzuk lasaitzera gatoz. Dena doa ondo eta planari jarraituz, azken batean, kristau onaren betebeharra, munduan anarkia eta Hirugarren Mundu Gerra bultzatzea da.

Hori ulertzeko, ordea, gogoratu behar dugu Jainkoaren agindua, Bibliaren bitartez: egizue Paradisua Lurrean bertan.

Inori begitantzen zaio zelakoa izan behar duen Paradisuak? Aberriak, presidenteak, armadak, polizia, banderak, kartzelak, abokatuak, politikariak, sindikatuak, kazetariak, langile zapalduak, aberatsak, txiroak, goseak hildakoak, kutsadura, mugak, auto-ilarak, tabernak ixteko ordutegiak, arrazakeria, paterak, debekuak, tratu txarrak, ardo txarra, belar debekatuak, irakasleak, Ricky Martin, erregeak, biktimak, borreroak, epaileak, abadeak, erlijioak, dirua, txortan egiteko ordaindu beharra, tunning-a, diskotekak, kapitalistak, komunistak, Iturgaitz, telebista, McDonalds, hizkuntza murriztuak, punkiak… dauden Lur batean imajina daiteke Paradisurik? Baten batek esango du “kalimotxoa dagoen bitartean…”, baina ez, ez dago imajinatzerik. Balizko Paradisu bakarrak anarkista izan behar, derrigorrez.

Lehenengo ondorioa aterata, begi bistako oztopoa: posible al da gaur egungo mundu aldrebes hau anarkiarantz bideratzea modu baketsu eta eraginkorrean? Erantzun iragarkien ostean. Hortaz, mundua ezagutzen dugun moduan deuseztatu behar da, eta horretarako, sentitzen dut bizi osoa eman eta gero pisua ordaintzen amaitzeko zorian bazaude, Hirugarren Mundu Gerra da bide bakarra.

Giza-talde txiki sakabanatuak baino geratzen ez direnean, eskura duten teknologia, energia, tresneria guztia guztiz alperrekoak direnean, abiatuko dituenik ez dagoelako, aukera izango dugu zerotik hasi eta anarkiarantz abiatzeko. Edo, ikasbidea hartu ez badugu, mende batzuetan itxaron Laugarrena iritsi arte.

Ulertzen duzue orain jatorri judeo-kristaukoak diren buruzagi kristau, judutar eta musulmanen eginkizun jainkotiarra? Bush, Sharon eta Bin Laden jainkoak bidaliak dira! Gora anarkia! (Baina lehenago…)

(2006-6-26)

Advertisements

Utzi erantzun bat

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s

%d bloggers like this: